斐劇場 Fei's performance

團員要演「好辛苦搵人救」，狐狸卻冷眼旁觀，好彩最後被Natalie救咗!

  

睇吓老師忍笑得幾辛苦!

  

老師今次點名話家樂演得好，而給Suzuki的評價是「好好味」，因為Suzuki無論扮演什麼角色都表演到很好味的感覺。

  

都已經唔知第幾次要POST失物認領!!

唔好再漏嘢係斐劇埸!!請自行保管物品!!

紅毛巾一條

長袖T-shirt一件

三個不同形狀的水樽

冬梅牌白色恤衫一件

HipHop T-shirt一件

黑色連帽衛衣一件(細碼)

T-shirt一件

毛巾一條,護膝墊一個,奇怪麻繩一條

護膝墊一個

ozoc 冷衫一件

請各位團員於3月1日前請自行領取,否則一律銷毀!!

此外,如有團員可''篤灰''指出兇手是誰,將會有獎勵!!

而被''篤灰''者,係限定期間內未領取,將受處分!!!

(嬲豬!)

號外!!

因之前DeeGor為了籌備會考,而受了大量朋友熱烈幫助!!

而DeeGor現在有一個好消息同一個壞消息要宣佈!!

好消息係:DeeGor唔考喇!

壞消息係:大家可以拎返d書喇!

多謝各位支持,多謝

DeeGor上

今堂是即興死練習的伸延，這次陳志樺老師把要求推高，團員不但要練死，同時當中亦要有變化。看看大家都努力地「死唔斷氣」喔！

   團員阿Ray「死死吓」都仲要唱歌呢！接著難度不斷升級，團員招架得住嗎？陳老師要團員扮「回音」，Suzuki話佢自己係一粒音符喎！ 

上過了DEE哥的POPPING,真是很有趣啊~
每堂都很興奮的。

一直覺得自己對舞蹈的天分不高。但做過每天一小時的Isolation後,不得不同意,所謂跳舞就是如何跟著節奏去扭動你的身體。
要跳得好,讓觀眾看得高興,最重要的還是要有Pleasure!所有的表演都是相通的。
再想深一點,其實無論是什麼創作,表演,最重要的往往是要「真心」,才有內在的support。
作曲,填詞,寫作,畫畫,演戲,要讓自身的技巧練習得巧奪天工,天衣無縫人人都可以(問題只在多少努力)做到。
但要觀眾記得你,還是要靠你內心發出來的感動,才能令創作品有著創作者的靈魂。
而我個人認為,只有對自己,對別人坦誠的人才會做到。
所以,誰說戲子無情?我說戲子才最有情。

扯遠了。

我會努力練習的。:)
希望DEE哥會開SECTION2啊...

朱古力@團四

2010年第一個劇作坊正式開始

今次請到陳志樺老師教授團員編作的基礎

 

今次呢個劇作坊有個名架

叫做《演員的零度編作》

會透過即興練習令團員漸能認清/褪去自身的習性、重捨「真實」，抓緊個人的獨特性

而今堂就即興死!!!

每個團員死法都有異

而要著眼既唔係點樣死....

而係點解會咁死.....

同場加映

由斐劇場團員杜文諾編作加上一眾團員的話劇《花灰》

有耳非文帶領團四團員一起熱身，先來一個彎彎腰、放輕鬆！別以為很簡單，轉到頭暈的熱舞，再加battle對跳在後頭喔！

 

步行也是一種練習，灰色套裝成為焦點！

停一停，諗一諗！主腦要團員用不同的方式步行，有自然的、也有開心、傷心的，團員從中領略主腦用心~~ 

或許團員現在仍是一棵種子，但在斐劇場內，透過學習，再加上努力，開花的一天快將來臨喔~~~加油！

 

今個月DeeGor首次教導Popping

第一回!!!

DeeGor成日強調佢只係將佢對popping嘅認識希望透過呢兩堂,分享俾大家,並非教導!

只希望能夠引起大家對Popping嘅興趣

 

基本功係好重要,要識得跳舞一定要打好個底!

「isolation」(以上英文係由kimmy提供)

記住返屋企多多練習呀 !!!!

基本功練完後,DeeGor就用白板介紹一下Popping嘅歷史

DeeGor再次強調歷史!係好多版本!

而佢所認識版本都係由別人教出黎,佢只係將佢知道嘅版本介紹俾大家讓大家有初步認識!

要學跳舞一定要明白到佢嘅來源!!!!

______________________________________________________________________________

第二回

練完基本功,了解完popping來源後!

就要教step!!

DeeGor再次強調,跟step唔好只係跟咁簡單

而係要消化個動作,再用自己角度(Feel,groove)去跳返出黎,先至學到最多~

 

二堂完結後,DeeGor就係白板上介紹一些直得學習嘅Popper或世界級嘅Popper俾大家去Youtube搵!

能夠更深入見識到Popping呢一種舞蹈!!

兩回結束,希望大家能夠袋到嘢走喇!

2009年1月13日───對阿七意義十分重大啊！多得TOBY介紹，我上年今日黎到天比高斐劇場團三面試，心口掛住個「勇」字！！！
仲記得面試果晚我俾人叫去錄音時曾經講過:我會用盡力「柞」”哂天比高俾到我ge野” 結果 都柞得幾盡嫁 ;-) 新一年 祝大家新年快上 之外，阿七要檢討過去、展望將來呀。回看２００９一年，斐劇場送左我太多野：８個workshops，個個都有得著有野拎走，十仔→朱凌凌→陳康→海龜→Abby→Guthrie→Adeline→大佬東→ ????.........(點解之後打？……呢？因為我２０１０考完ＡＬ之後想上更多更多workshops……)   其實我都俾左D野斐劇場嫁： 第一次　係露天巴士做啦啦隊，仲要係街頭快閃 第一次        錄一堆句句都差唔多字的VO 第一次        一堂連續５次扮人阿媽聽人傾訴 第一次        分享自己和聽人分享同時，感動到不由自主的流淚，

還有很多很多……

  最神奇係  全世界一向都視「跳舞」為阿七最唔見得人的技能，但過去一年，
經過神奇特訓……我居然跳到度舞出黎仲出左3個dance shows呀！ 斐劇場　堅係可以化腐朽為神奇嫁！！！   我自豪話俾人聽我係斐劇場一份子，我地可以有一個自己的地方去學習去實踐， 我更自豪係斐劇場識到一班傾嘴型朋友(大家都喜歡表演，志同道合，敢於分享)  

如果  將斐劇場比喻成一個BIG Family，最開心係
我有好媽媽阿斐、好家姐mandy,kimmy、
好大佬dogkit,dee (對我極度包容、相處親切，事事都為我地細心打點)、好多師兄姐(團一、二經驗老到,不分年齡)、2009後尾仲多左細佬妹(團四新朋友yoho)十萬個多謝你地陪阿七過左人生前所未有咁充實的唯一一個１８歲！
總之，可以一班人夾手夾腳做d事，聚起來真摰的分享係好-好-好幸福的事！

最後，要多謝多kimmy一次，因為我知佢實會揀張最正斗ge車頭照俾我嫁可!? ;-P

PS:忍唔住讚好多次! 上星期看的<黐膠花園>真的GOOD SHOW,我知道台前hyper,幕後更加花盡心思,包括mandy,dogkit,大家記住支持本地藝術啊!

‧遲來的一篇斐人生活 很久沒在這邊分享我的斐人生活了... 因為我已離開了斐劇場足足有一年半之多。 團選四 — 是我第三次參加的團員選 不同的，是我要證明 我 已經改變 不再舊的我 我做到了！ 多謝 呀斐 阿盧 Adeline 多謝你們讓我有機會參加401的workshop 多謝你們讓我的 努力 希望 沒有白費 多謝你們讓我可以再踏足這一片樂土 我 — 終於向斐劇場邁進了大步 Workshop 401 多謝泉泉老師 教會了我 "PLEASURE" 令我享受台上台下的一刻 在這裡，我認識了一班好友 一班 同心協力 臭味相投 的好友 多謝你們 成果展 — 是開始？抑或只是場空歡喜？ 記得一年多前的某個成果展 身為"種子團員"的我 要與另外三位進行"四個只能活兩個" 到底，這次我能成功萌芽嗎？ 還是，要把這顆種子繼續藏於心深處？ 這夜裡，我忐忑不安 當鄭穎拿劇作狀 頒發給成功入正式入選的團員 一位又一位團員被叫名 時間為何過得那麼久？ 叫到呀Pig時 心不在焉的我 差點成為關心妍第二 [笑] 最終我真的如願以償 從呀斐 泉泉 鄭穎 手中接過劇作狀 我真很感動 這一年多以來的努力是沒有白費的 真的很多謝大家 多謝大家對我的 肯定 支持 體諒 我會好好珍惜這一個機會 再一次...真的很多謝大家

402的成果展,終於圓滿結束了。

這個工作坊教會了我,沒有什麼是不能學習的。
一切，就看你有沒有放在心裡，或是說，你的態度。
對於學習，我一直都抱著一個認真嚴肅的態度。
對於表演，我則抱著一個享受的心態。
希望觀眾也跟我一起享受著音樂；躺下時，聞著草地的氣味；一舉手，化身飄逸的白鳥；一轉身，變成河中的人魚。
這世界變得多美妙。讓我們用眼睛，用身體，感受著，享受著。

很感激各位團員一起努力，才有那麼流暢的表演。
果然,努力是會有成果,努力是會有人看到的。

"By the sweat of our brows, by the strenght of our backs, and by the courage of our hearts.
Gentlemen, and ladies, host the colors." - Priate of the Caribbean: At World's End

靠著眉頭的汗水,腳底的水泡，身上的瘀青和心內的熱情，各位兄弟姊妹,讓我們一起繼續在舞台上創造奇蹟。